RATION CARD E KYC : ई केवायसी करा, अन्यथा रेशन कार्ड होणार बंद, जाणून घ्या अंतिम तारीख अन् संपूर्ण प्रक्रिया

Ration Card e KYC : सध्या शासकीय योजनेच्या प्रत्येक लाभार्थ्यांना ई केवायसी (Ration Card e KYC) करणे अनिवार्य  करण्यात आले आहे. मग आधार असो, बँकेचे खाते असो किंवा शासकीय योजनेचा लाभ घ्यावयाचा असो, प्रत्येक ठिकाणी ई केवायसी बंधनकारक करण्यात आली आहे. त्यातच आता सर्वसामान्य नागरिकांकडे असणाऱ्या रेशनकार्डसाठीही ई केवायसी बंधनकारक करण्यात आली आहे. यासाठी असलेली १ नोव्हेंबरची अंतिम मुदत वाढवून १ डिसेंबर २०२४ करण्यात आली आहे.  

सरकारने काही महिन्यांपूर्वी केसरी, पांढऱ्या व पिवळ्या रेशनकार्ड धारकांसाठी ई-केवायसी करण्याची मार्गदर्शक तत्वे लागू केली होती. त्यात सर्व रेशनकार्ड धारकांनी ई-केवायसी करणे अनिवार्य होते. त्यासाठी आता शेवटची तारीख १ डिसेंबर २०२४ असणार आहे.

प्रत्येक शिधापत्रिका धारकाला आता ई-केवायसी करणे बंधनकारक आहे. विशेष म्हणजे शिधापत्रिकेत नावे असलेल्या कुटुंबातील प्रत्येक सदस्यांनी ई- केवायसी पडताळणी प्रक्रिया पूर्ण करावी लागणार आहे. तसे न केल्यास संबंधितांना धान्य वितरण सेवेचा लाभ मिळणार नाही, असे पुरवठा विभागाने स्पष्ट केले आहे. 

लेकीबाळी, मेहुणे, काका, पुतण्या, जावई... महाराष्ट्राच्या राजकारणात रंगलाय फॅमिली ड्रामा, ही यादीच पाहा

जर तुम्ही अजूनही तुमच्या रेशनकार्डाची ई-केवायसी प्रक्रिया पूर्ण केली नसेल तर, तुमच्या परिसरात असलेल्या कोणत्याही स्वस्त धान्य दुकानात जाऊन फोर-जी ईपॉस (pos) मशीनने ई-केवायसी करुन घेवू शकता, अन्यथा तुम्हाला रेशनकार्डावरुन कोणत्याही प्रकारचा लाभ मिळणार नाही.

नुकतीच सरकारने ई-केवायसी केलेल्यांनाच रेशन मिळणार असल्याची घोषणा केली होती. केवायसीची शेवटची तारीख ३० सप्टेंबर होती. मात्र नंतर ती १ नोब्हेंबरपर्यंत वाढवण्यात आली होती. आता मात्र अंतिम तारीख जाहीर करण्यात आली आहे. १ डिसेंबरपर्यंत तुम्ही ई-केवायसी न केसल्यास तुम्हाला रेशन मिळणार नाही. तसेच रेशनकार्डामधून तुमची नावे काढून टाकली जावू शकतात.

ई-केवायसी दोन प्रकारे केली जाऊ शकते -

 

रेशन दुकानात जाऊन.. 

  • ज्या दुकानात धान्य मिळते तेथे ई केवायसी करण्याची सोय आहे.
  • या रेशन दुकानात जाऊन फोर-जी ईपॉस मशीन द्वारे केवायसी केली जाते.
  • यासाठी आधार कार्ड घेऊन जावे. या मशीनमध्ये आधार क्रमांक टाकला जातो.
  • यानंतर संबंधित व्यक्तीच्या बोटांचे ठसे व डोळे स्कॅन करून ई-केवायसीची प्रक्रिया पूर्ण केली जाते. 

दहावी-बारावीसाठी फॉर्म नंबर १७ भरणाऱ्या विद्यार्थ्यांसाठी महत्वाची बातमी; नाव नोंदणी प्रक्रियेबाबत मोठी अपडेट

मेरा राशन या App च्या मदतीने केवायसी करण्याची प्रक्रिया - 

  • सर्वांत प्रथम गुगल प्ले स्टोअरमध्ये जाऊन मेरा राशन App डाऊनलोड करा.
  • त्यानंतर रेशनकार्ड क्रमांक किंवा आधार कार्ड क्रमांक टाका.
  • आधार किंवा शिधापत्रिका यापैकी कोणताही एक क्रमांक टाकून सबमीट या बटणावर क्लिक करा. 
  • त्यानंतर आधार सिडिंग या ऑप्शनवर क्लिक करा. 
  • त्यानंतर तुमच्या कुटुंबातील सदस्यांच्या नावापुढे आधार सिडिंग Yes किंवा No असा ऑप्शन दिसेल. 
  • ज्या सदस्याच्या नावापुढे येस हा ऑप्शन असेल, त्या सदस्याला ई-केवायसी करण्याची गरज नाही. आणि ज्या सदस्याच्या नावापढे नो असा ऑप्शन असेल, त्या सदस्याला ई-केवायसी करावी लागेल. 
  • ई-केवायसी करण्यासाठी खाद्य पुरवठा विभागाच्या अधिकृत संकेतस्थळाला भेट द्यावी.

2024-10-30T12:04:39Z